به شی کوردیکۆ مەڵایەتی کلتووری سیاسیمطالب جدید

کۆڵبەر

کۆڵبەر

هەنگاو بە هەنگاوی دەنگی کوێستان

هەنگاوتان دەشکێ.

لەسەر بەرد و… زریکەی نان و

هاواری نەداری و… تەقینەوەی مین.

هەنگاوتان دەشکێ.

لەناو کلیلەی بەفر و

لە ئامێزی خوێن و

لە کڕیوەی با و بۆراندا،

لە سەر شاشەی نامۆی سنووردا.

هەنگاوتان دەشکێ.

تا ئەو سەری بەرخۆدان و ئازادی،

تاکوو ناخی شێعری من،

تاکوو بەرزایی تەتە و لووتکەی شاهۆ.

تاکوو لەگەڵتانا هەنگاو ئەنێ،

شەپۆلی زرێبار و پرچی ئاویەر و شەونمی هەوەتوو.

ئێوە شاخ و نسارن و،

منیش شێعرێکی سپی و،

لە گەڵتانم؛

لەگەڵ پیاو و ژن و منداڵ و ئاواتەکانتانا.

ئێوە کۆڵبەرن وەک نان و ئاو،

کۆڵبەرن بۆ بژێوی

تاڵێ قژی کوردستان و فرمێسکن

لەگەڵ ئازاری

سنوورە داخراوەکان.

 

عەزیز کەرەمی

۲۷ /۹/۹۸ ی هەتاوی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

پاسخ دادن معادله امنیتی الزامی است . *

دکمه بازگشت به بالا