معماری
خانه ---> به شی کوردی ---> بابه ته كان ---> با خۆمان لەگونا‌ه بپارێزین بە سووک سه‌یری گوناهبارێکیش نه‌کەین
حەسەن پێنجوێنی
حەسەن پێنجوێنی

با خۆمان لەگونا‌ه بپارێزین بە سووک سه‌یری گوناهبارێکیش نه‌کەین

با خۆمان لەگونا‌ه بپارێزین بە سووک سه‌یری گوناهبارێکیش نه‌کەین

مامۆستا حەسەن پێنجوێنی

” ئیمامی مالیک به‌ره‌حمه‌ت بێ ده‌فه‌رموێ: وا سه‌یری گوناهی خه‌ڵکی مه‌که‌ن وه‌ک ئه‌وه‌ی ئاغابن.. به‌ڵکو وه‌ک به‌نده‌یه‌ک سه‌یری گوناهه‌کانی خۆتان بکه‌ن.. به‌زه‌ییتان به‌وانه‌دا بێته‌وه‌ که‌ تووشی فیته‌نه‌و به‌ڵابوون.. سوپاسی خوایش بکه‌ن له‌سه‌ر سه‌لامه‌تی و بێوه‌یی خۆتان.. ”
هه‌رگیزخه‌ڕۆبوون به‌خه‌ڵکییه‌وه‌ خۆتت له‌بییر نه‌باته‌وه‌، خه‌ڵکی گوناهبار به‌تاوانبار باس مه‌که‌، و مه‌ڵێ فڵانکه‌س دۆزه‌خییه‌!! به‌ویش مه‌ڵێ فڵانکه‌س به‌هه‌شتییه‌، چونکه‌ وه‌ک ئه‌وه‌ وایه‌ ته‌زکییه‌ی خه‌ڵکی له‌سه‌ر خوا بکه‌یت، بۆیه‌ ئه‌گه‌ر قسه‌یه‌کی وات گوت بڵێ: (ولا نزکی أحدا على الله)واته‌: ئێمه‌ ته‌زکیه‌ی خه‌ڵکی له‌سه‌ر خوا ناکه‌ین.. چونکه‌ تۆ نازانی دواچرکه‌ ساته‌کانی ژیانی چۆن ده‌بێت؟! به‌ڵام بۆت هه‌یه‌ بڵێیت: ئه‌وه‌ی باوه‌ڕی به‌ ته‌نیایی خوا هه‌بێ و فه‌رمانه‌کانی به‌جێ بێنێ به‌هه‌شتیه‌،و ئه‌وه‌ی باوه‌ڕی به‌خوا نه‌بێ، یاباوه‌ڕی هه‌بێ و هاوه‌ڵی بۆ دابنێ دۆزه‌خییه‌.. چونکه‌ له‌مه‌ی دووه‌میاندا که‌سێک دیاری نه‌کراوه‌..
کاتێ گوناهبارێکت بینی به‌چاوێکی سووک سه‌یری ئه‌ومه‌که‌ و خۆیشت به‌زل بزانی..نه‌ء، به‌ڵکو داوای بۆ بکه‌ خواهێدایه‌تی بدات ورێنوێنی بۆچاکه‌بکات.. به‌نده‌یه‌کی خودا ده‌ڵێ: رووداوێکی سه‌یرم خوێنده‌وه‌ که‌ نووسه‌ره‌که‌ی ده‌ڵێت: پیاوێکی گوناهبار له‌ شاری پیرۆزی مه‌ککه‌دا هه‌ندێ جار گوناهی ده‌کرد و سه‌ر پێچی له‌فه‌رمانه‌کانی خوا ده‌کرد.. یه‌کێک له‌ پیاوچاکانیش هه‌ر کاتێ بیبینییایه‌ خوای بییر ده‌خسته‌وه‌ وئامۆژگاری ده‌کرد وده‌یگوت: براکه‌م! له‌خوا بترسه‌! خوا به‌چاودێری خۆت بزانه‌! خۆت له‌ خراپه‌ و گوناهـ دوور بخه‌ره‌وه‌، تۆ له‌ شاری مه‌ککه‌و به‌یتول حه‌رامدایت، که‌ به‌ پاکترین شوێنی ئه‌م سه‌رزه‌وییه‌ داده‌نرێت..
رۆژێک کابرای گوناهکار هه‌ڵده‌شاخێته‌وه‌ به‌ڕووی پیاوچاکه‌که‌دا و قسه‌یه‌کی زۆر ناخۆش و ناشیرینی پێ ده‌ڵێت.. ئه‌ویش له‌ جیاتی ئه‌وه‌ی دوعای بۆ بکات خوا هیدایه‌تی بدات، وه‌ک ئینسانێک ئازار به‌دڵی ده‌گات و ده‌ڵێ: خوا له تۆ و هاوچه‌شنت خۆش نابێت!!..
ئه‌م قسه‌یه‌ وه‌ک خنجه‌رێکی تیژ کار له‌سه‌ر دڵی کابرای گوناهکار ده‌کات، و ده‌ڵێ: خوا له‌من خۆش نابێت؟! خوا له‌من خۆش نابێت؟! ئێستا پێت نیشان ده‌ده‌م که‌ خوا لێم خۆش ده‌بێت یان نه‌؟!
یه‌کێک له‌وانه‌ی ئاگای له‌و ده‌مه‌قاڵه‌ ودیمه‌نه‌ ده‌بێ، بۆی گێڕامه‌وه‌و گوتی: پاش چه‌ند سه‌عاتێ دیمان کابرای گوناهکار رۆیشت بۆ ته‌نعیم، له‌وێ ئیحرامی به‌ست بۆ عه‌مره‌، و خه‌ریک بوو له‌ته‌وافه‌که‌ی ببێته‌وه‌ له‌نێوان روکن و مه‌قاما گیانی ده‌رچوو.
داواکارم خوا زمانی شیرینمان پێ ببه‌خشێ و ژیانمان به‌چاکه‌ دوایی بێنێت و به‌ ئیمانه‌وه‌ بمان مرێنێ..
خوایه‌ گیان! هه‌وڵه‌کانمان به‌فیڕۆ نه‌ده‌یت و کرده‌وه‌کانمان لێ وه‌ربگریت و به‌خێر بۆمان بنووسیت.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

پاسخ دادن معادله امنیتی الزامی است . *

تلگرام نوگرا »»» مطالب سایت + عکس + کلیپ + نوشته های کوتاه متنوع + با ما همراه باشید . eslahe@

قالب وردپرس