معماری
خانه ---> به شی کوردی ---> بابه ته كان ---> بۆ له‌ دایک‌بوون هه‌ڵه‌بجه‌ / حام

بۆ له‌ دایک‌بوون هه‌ڵه‌بجه‌ / حام

(…)

 

دڵێک و

        گۆڤارێک و

              چه‌ند شێعری ته‌رچک و ئاودار و تازه‌ به‌ر

 

 

دڵێک و

          شه‌وێک و

                  چه‌ندشه‌می داگیرساو

 

 

دڵێک و

       دوو چاو و

               رازێکی ده‌ربه‌ده‌ر

 

 

 

گۆڤار و

            شه‌وێکی پان و پۆر و

                             دووچاوی ته‌ماوی

 

 

 

شێعرێک و

              شه‌مێکی سه‌رتاپا عاره‌ق و

                                       رازێکی سه‌رتاپا خوێناوی

 

 

 

دڵ و ئاور و به‌سته‌ڵه‌ک

       سه‌ر و چاو عیشقێکی بێ سه‌ر و شوێن

                  تێکڵاوی یه‌کتری بوون

 

 

                           وڵاتێکی گیان به‌رز و

                        لاشه‌ سووتاوی خه‌ماوی

                            له‌ ناو دڵ و

                                    هه‌مانه‌ی وشه‌ی شاعیرێ

                                                         هاتووچوی کرد

له‌ مێشکی‌دا ته‌قییه‌وه‌

دیسانه‌وه‌

رازێکی سووتاو که‌وته‌ ده‌ر

 

 

هه‌ر ئێستا که‌

                  دڵێک و

                  گۆڤارێک و

                  چه‌ند شیعری پیری دونیا دیده‌ی چاو پڕ له‌ گڵ

 

 

سه‌ری شێتیان هه‌ڵگرتووه‌ و

به‌ سه‌ر کێوی تاریکیدا

رازه‌کانیان هه‌ڵ ده‌ڕێژن

بۆ ساڵ‌هاتی هه‌مو کاتی

مه‌رگی شادی و

مه‌رگه‌ساتی شاعیران و

مه‌رگی نه‌ورۆز

سوور ده‌گریان.

 

 

ئێستا له‌ دوور

شه‌وێک و گۆڤارێک وچه‌ند شیعری کوێر

بۆ ساڵ‌هاتی

مه‌رگه‌ ساتی

ماره‌کردن شه‌و له‌ نه‌ورۆز

بۆ له‌ دایک‌بوون هه‌ڵه‌بجه‌

وشه‌کان و

چاوه‌کانیان

له‌سه‌ر کێوی تاریکی‌دا

دایان گیرساند

19/1/78 ـ سنه‌،     حامید به هرامی

————————————-

سه رچاوه : طلوعي دوباره

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

پاسخ دادن معادله امنیتی الزامی است . *

تلگرام نوگرا »»» مطالب سایت + عکس + کلیپ + نوشته های کوتاه متنوع + با ما همراه باشید . eslahe@

قالب وردپرس