ئاڵای باوه‌ڕ
ئاڵای باوه‌ڕ حامید به‌هرامی – مه‌ریوان
کاتێ دونیا
به‌په‌رده‌ی ره‌شی نه‌زانی
داپۆشرابوو
دووکه‌ڵی مۆن
به‌ر هومێدو بیروزانستی گرتبوو
مرۆڤه‌کان وه‌ک یه‌ک نه‌بوون
به‌شێکی کڵۆڵ و بێ به‌ش
به‌شێکی زۆردارو رووڕه‌ش
له‌م کاته‌دا
ئافره‌ت هیچ بوو
ناسێنرابوون به جنۆکه
ئافره‌ت یانێ
خزمه‌تکارێکی هیچ نه‌زان
بێ به‌ش له‌ماف و به‌ستزمان
یانێ تێرکه‌ری
چاو و هه‌واو هه‌وه‌سی
نه‌فامه‌کان
له‌ژێر خاکا به‌زیندوی
چاڵ ده‌کران
ناویان له‌پاڵ
ناوی مرۆڤ نه‌ده‌نوسرا
مۆری کۆیله‌یی پیاده‌نرا
به‌رگی سزاو چاره ره‌شی
خه‌ڵات ده‌کرا
مۆمی روناکی و ئازادی
مۆمی بوون و ژیانی ئه‌و
به فوی ده‌می نه‌فامه‌کان
کوژرابوه‌وه
له‌وکاته‌دا کۆتری
بزه‌و خۆشه‌ویستی
له‌سه‌ر لێوو دڵی ئه‌ودا
به‌ره‌و وێرانه‌ی به‌خته‌وه‌ری
هه‌ڵ فڕی‌بوو
مه‌لی ره‌شی ناهومێدی
له قوڵایی دڵی ئافره‌ت
هێلانی لێ سازکردبوو
کوا شه‌ماڵێ؟
هاواری سه‌ربڕاوی ژن
به‌گوێی خۆردا بچرپێنێ؟
له ئاسمانی ناهومێدی
ئه‌وده‌مه‌دا
ئه‌ستێره‌یه‌کی گه‌ش وجوان
له ئاسمانی دڵ ره‌شه‌کاندا
تێ په‌ڕی
ئه‌وسا داری خۆشه‌ویستی
بۆ چه‌وساوه‌کانی زه‌مان
گرتیان باوه‌ش
له ژێر هه‌ورا
خۆر هاته‌ده‌ر
ژن بووبه خاوه‌نی هه‌ست و
زنجیرو کۆتی کۆیله‌یی
له‌گه‌رده‌نی خۆی داماڵی
کونده‌به‌بوی ناهومێدی
له‌سه‌ر دڵی خۆی راماڵی
هێلانه‌که‌ی له‌سه‌رلقی داری دڵیا
خستیه خوارێ و
مه‌لی ئازادی و تێکۆشان
هاتوو له نێو
مه‌زرای جوانی دڵی ئه‌ودا
هێلانی کرد
بزه‌که‌وته سه‌رلێوانی . . .
ئافره‌ت بووبه گوڵێکی جوان
له‌باخچه‌ی ده‌ستکردی یه‌زدان
سه‌رپۆشه‌که‌ی
کردبه چه‌کێ
ئه‌وساله به‌رهه‌زار نه‌فامدا
راوه‌ستی
ئاڵای سه‌ربه‌رزی و تێکۆشان
درا ده‌ستی
به‌ڵام ئه‌مڕۆ
له نێو جه‌هلی سه‌ده‌ی بیستا
کاتێ ژنان
به‌نه‌زانی
به‌سه‌ردڕکی نه‌فامیدا
هه‌ڵ ده‌گه‌ڕێن
خوشکه‌کانمان
له‌سه‌ر تیشکی تێگه‌یشتن
به‌ره‌و کۆشکی به‌خته‌وره‌ی و
قه‌ڵای ئیمان
گه‌ڕانه‌وه
قوتابخانه‌ی ئافره‌تانی موسوڵمانی
ئیمام به‌ننا
بوه جێگه‌ی نه‌زرگه‌یان
هه‌رکامێکیان
وه‌کو زینه‌به‌ی غه‌زاڵی و
خوشکی شه‌هید
خوشکه به‌نان
چرای رێ نیشان دان و
تێکۆشان
هه‌ڵیان گرت و
چونه ریزی شه‌هیده‌کان
بۆ پاڵپشتی دینه‌که‌یان و
به‌رانبه‌رکێ
له‌گه‌ڵ سپای نه‌فامه‌کان
ئه‌وسا هاتن
کۆشێ
تۆم و گوڵ و ئه‌ستێره‌یان
له‌نێو مه‌زراو باخچه و ئاسمان
چاندیان و
نیشتیان و
هه‌ڵیان رژاند.
کانی
دینار – به‌فرانبار – ۱۳۷۲
سهرچاوه : http://www.hamedbahramy.blogfa.com
