لەساڵرۆژی شەهید بونیدا حەسەن بەننا رابەری بووژانەوەی بیری میانڕەوی ئیسلامی لە جیهاندا

لەساڵرۆژی شەهید بونیدا ،حەسەن بەننا، رابەری بووژانەوەی بیری میانڕەوی ئیسلامی لە جیهاندا

شەهید ئیمام بەننا ، ناوی تەواوی (حەسەن عەبدولرەحمان محمد بەننا ئەلساعاتی)ە و لە بەرواری  ۱۹۰۶/۱۰/۱۴  لە شاری مەحمودیەی میسر لە دایک بوە و لە بەرواری ۱۹۴۹/۲/۱۲ دا شەهید کرا .

حەسەن بەننا دامەزرێنەری کۆمەڵی برایانی میسرە کە لە ساڵی ۱۹۲۸ دامەزرا، وەیەکەم رابەری ئەو کۆمەلەیەش بوو .

شێخ عەبدلوەهاب حەصافی کە بە شێخی سۆفیگەر دادەنرێت و مورشیدی تەریقەتی حەصافی شا

ذلیە بوو ، کاریگەری راستەوخۆی هەبوو لەسەر پێگەیاندن و بونیات نانی کەسایەتی ئیمام بەننا و لە ساڵی ۱۹۲۳ دا ئیمام بەننا لەسەردەستی شێخ حەصافی تەریقەتی سۆفیگەری پێبەخشرا .

حەسەن بەننا لە ساڵی ۱۹۲۷ دا خانەی مامۆستایانی لە شاری قاهیرە تەواو کرد و هەر لەو ساڵەش وەکو مامۆستا دامەزرا ، پاشان لە ساڵی ۱۹۲۸ کۆمەڵی برایانی موسڵمانی ئیمام بەننا لە کاتی گەنجێتیدایسری دامەزراند.

لە ساڵی ۱۹۴۱ بەفەرمانێکی کارگێڕی و بە تۆمەتی دامەزراندنی کۆمەڵەیەکی ئیسلامی ، گواسترایەوە بۆ شاری قەننا ،

لە ساڵی ۱۹۴۶ بە مەبەستی خزمەتکردن و بروەدان بە کۆمەڵەی برایان ، پیشەی مامۆستایی  جێهێشت و خۆی یەکلای کردوە بۆ ئەم کۆمەڵەیە و  لە ساڵی ۱۹۴۹ دا تیرۆر کرا .

لەکاتی دامەزراندی ئەم کۆمەڵە، بەننا و ھاوڕێکانی تووشی ڕاوەدوونان و گرتن بوون لەلایەن حکوومەتی میسری ئەوکات بەڵام گشت ئەوانە ئەندامانی ئەم کۆمەڵەیەیان سارد نەکردەوە لە جێبەجێ کردنی ئەمانجەکانیان، تەنانەت دوای شەهید کردنی بەننا. کارکردنی ئەم کۆمەڵەیە لەسەر بنەمای سەلەفی و پەروەردە و جیھادکردن بووە.

کۆمەڵی برایانی موسڵمان(ئیخوان موسلیمین)کۆمەڵەیەی ئیسلامی میانرەوە ئامانجیان چاکسازییە لە بوارەکانی سیاسی و کۆمەڵایەتی و ئابووری ، زیاتر لە ۷۲ ووڵاتـی جیهان ڕێکخستنیان هەیە ، لە دیارترینیان میسر و تونس و مەغریبە.

دەربارەی ڕێبازی کۆمەڵی برایانی موسڵمان ، شەهید بەننا دەڵێت :

کۆمەڵی ئیخوان موسلیمین : بانگەوازێکی سەلەفیە ،ڕێگایەکی سوننەیە ،سۆفیگەرێکی ڕاستگۆیانیە ،دەستەیەکی سیاسیە ،کۆمەڵێکی وەرزشیە ،رابیتەیەکی زتانستیی و ڕۆشنبیریە .

ڕۆژ لە دوای ڕۆژ لایەنگر و هەوادارانی کۆمەڵی بریانی موسڵمان ڕووی لە هەڵکشان دەکرد ، ئەمەش وای کرد کە جەمال عەبدلناسر، سەرۆکی ئەوکاتی میسر هەموو هەوڵی خۆی بخاتە گەڕ بۆ ڕێگرتن لە تەشەنەکردنی ئەم کۆمەڵەیە وەکو بەند کردنی سەرکردەکانی ئەم کۆمەلەیە و دەرکردن و گواستنەوەی ئەندامانی ئەم کۆمەلەیەوە لە شارێکەوە بۆ شارێکی تر .

دوا هەوڵی ئەو دەسەلاتدارانەی ئەوکاتەی میسر  تیرۆرکردنی حەسەن بەننا بوو لە ئێوارەی ۱۲ ی ۲ی ۱۹۴۹ز ایینی .

ئەو ئۆتۆمووێلەی ئەو کارە تیرۆریەی پێ ئەنجام درا ، ژمارەکەی ۹۹۷۹ (میسر- قاهیرە)ببو، کە یەکێک بوو لە ئۆتۆمبێلەکانی محمود عەبدولمەجید بەڕێوبەری گشتی لێکۆڵینەوەی تاوانکانەی وەزراتی ناوەخۆی میسر.

ئێستا و لە ۶۵ مین ساڵیادی شەهید کردنی ئیمام بەننادا ، لایەنگران و ئەندامانی کۆمەڵی ئیخوان موسلیمین ، تەشەنەی گەروەی لە جیهانی ئیسلامی بەخۆیەوە بینیوە دەیان ملیۆن ئەندام هەوادار و لایەنگریان هەیە.

دەربارەی هەڵوێستی ئیمامی شەهید حەسەن بەننا بەرامبەر کورد :

بەننا نامەیەک ئاراستەی پاشای عێراق دەکات لە سالی چلەکان کە ئەو کات بیستبوی لە کوردستانی باشور شۆرشێک بەرپا بوە دژی رژێمی ئەوکاتەی عێراق ،

نامەیەک ئاراستەی پاشاو دەسەلاتدارانی ئەو کات دەکات و دەنوسێت ” کوردەکان جێگەی رێزو تەقدیری زۆرن لە خۆیانەوە شۆرش بەرپا ناکەن و دەست نادەنە چەک ، دیارە ستەمیان لێ دەکرێت و دەبێت هەول بدەن ئەو ستەمە لابەرن … وە گەلی کورد نەوەیی سەلاحەدینن هیچ کەسێک وەک ئەوان دلسٶزو نیشتمانی ئومەتی ئیسلام نین !!!

بەشێک لە  ووتە بەنێو بانگەکانی پێشەوا حەسەن بەننا

 ووتەی یەکەم :

نهێنی سەرکەوتن و گەشەکردنی بانگەوازی ئیخوان

” بەھێزترن شتێک کە ئیخوان ھەیەتی ” سەربازی وونە ” ..

ئەو سەربازەی کە ئەوپەڕی توانای خۆی لەکاتی تێکۆشاندا بەخەرج دەدات ,

زۆرتر دەبەخشێت لەوەی لە گیرفانیدایە ,

بە دەستی ئەنقەست دووردەکەوێتەوە لەناو وناوبانگ ,

قسەی کەم دەکات و ئیشی زۆر ,

بڕوای وایە خوایەک ھەیە دەیبینێت و باسی دەکات لە شوێنیک پیرۆزتر لە زەوی و ئەوەی بەسەریەوەیەتی ,

خوایەک کە کردەوەی خۆش دەوێت بەمەرجی ئیخلاص

ووتەی دووەم :

” ئەی برایانم من ناترسم لەوەی بڵێن ھەموو دنیا کۆبونەتەوە بۆ دژایەتیکردنتان , چونکە ئێوە بە ئیزن و ھاوکاری خوا بەھێزترن ,

بەڵام ئەوەی من لێی دەترسم دوو شتە :

ئەترسم خوا لەبیربکەن ئەویش ڕادەستی خۆتان بکاتەوە و دەستان لێبەردات

یاخود براکانتان لەبیربکەن ئەوکاتە کێشەوناکۆکی نێوانتان توندببێت

ووتەی سێیەم :

ئەی گەنجانی ئیخوان موسلمین : مەیدانی یەکەمی تێکۆشانتان نەفسی خۆتانە ,

ئەگەر سەرکەوتنتان بەدەستھێنا ئەوا بەسەر ھەمووشتەکانیتردا ئاسانتر سەردەکەون ,

ئەگەر شکستان ھێنا لەجیھادی نەفسدا ئەوا بۆ شتەکانیتر کەمتواناترن ,

کەواتە سەرەتا ھەوڵتان بدەن لەگەڵ نەفسی خۆتاندا ,

ئەوەتان لەیاد نەچێت ھەموو دنیا چاوەڕوانی نەویه کە لەگەنجان تایبەتمەندبن بەپاکیەتی تەواو و ڕەوشتی بەرز و پیرۆز , ئێوە ببنە ئەو گەنجانە ,

ووتەی چوارەم :

چاوتان ببڕنە ووتەی پێغەمبەری خوا ” دڵنیایم بدەنی لەشەش شت , دڵنیاییتان دەدەمێ لەچونە بەھەشت , ڕاستگۆبن کاتێک قسەدەکەن , وەفاداربن کاتێک بەڵێن دەدەن ’ ئەمانەت بپارێزن کاتێک ئەمانەتتان درایەدەست , داوێنتان بپارێزن لە حەرام , چاوتان بگرن لە حەرام , دەستنا بپارێزن لەستەم “.. ئینجا سێربکەن بزانن ئێوە ئاوان ؟!

ووتەی پێنجەم

جەژنی گەورەی ئێوە ئەو رۆژەیە کە نیشتیمانەکانتان ئازاد ئەبێ و قورئان دەبێت بە حاکم . هەر بۆیە لە جەژندا رابردووی پڕ سەروەریتان بیری خۆتان بخەنەوە و ئومێدی ئێستاتان نوێ بکەنەوە و پەیامتان بۆ داهاتوو ئامادە بکەن

برایەتی بەهێز کەن، کار بکەن، پاشان چاوەرێی سەرکەوتنی گەورە و ئاشکرا بکەن