معماری
خانه ---> به شی کوردی ---> بابه ته كان ---> دكتۆر عەلی قەرەداغی ،تاوانباركردنی ئیسلام بە پشتیوانی توندڕەوی، تێنەگەیشتنە لە جەوهەری ئیسلام
علی قرداغی
علی قرداغی

دكتۆر عەلی قەرەداغی ،تاوانباركردنی ئیسلام بە پشتیوانی توندڕەوی، تێنەگەیشتنە لە جەوهەری ئیسلام

دكتۆر عەلی قەرەداغی ،تاوانباركردنی ئیسلام بە پشتیوانی توندڕەوی، تێنەگەیشتنە لە جەوهەری ئیسلام

دكتۆر عەلی قەرەداغی ئەمینداری گشتی یەكێتی جیهانی زانایانی مسوڵمان جەختی كردەوە لەسەر ئەوەی كە ڕەوا نیە تیرۆر بخرێتە پاڵ ئاینە ئاسمانیەكان، چونكە تیرۆر ئاینی نیە، پاشان ووتی هەموو ئاینە ئاسمانیەكان ئامانجیان بڵاوكردنەوەی سۆزرو خۆشەویستیە و ئاشتیە لە نێو گەلانی جیهاندا، لەبەر ئەوە جائیزنیە كە تیرۆر بەهیچ ئاینێكی ئاسمانیەوە بلكینرێت، بەتایبەتیش ئیسلام، كە بەداخەوە لە ئێستادا بەتاكە ئاینی پشتیوانی لە توندڕەوی دنیا دەكرێت، كە ئەمەش لە ڕووی واقیع و دەق و زانستەوە ڕاست نیە .

ئەم ووتانەی قەرەداغی لە میانی بەشداری كردنی لە كۆبوونەوەی دووەمی گفتوگۆی ئاینەكان كە لە دۆحەی پایتەختی قەتەر بەسترا لە ژێر ناوی (شێوازو هۆكارەكانی بەلەرزە خستنی ئاسایشی فیكری و ئەخلاقی) لە ڕۆژی یەكەمدا دكتۆر قەرەداغی ووتەیەكی پێشكەش كرد بەناوی (ئاسایشی ڕۆحی و فیكری لە ژێر ڕۆشنایی ڕێنمایەكانی ئایندا) ئەویش بە بەشداری زیاتر لە (500) كەسایەتی دەرەوەو ناوەوەی قەتەر بوو .

دكتۆر قەرەداغی ووتی هەموو لایەك بەڕونی ئەوە دەزانێت كە مسوڵمانانی فەڵەستین لە ئێستادا زۆر ترین گرفتیان هەیە بەدەست توندڕەوی جولەكە ئیسرائیلیەكانەوە، لەگەڵ ڕودانی ئەو دەقە نوێیەشدا، بەڵام نابینین كە ئاینی جولەكە بەتوندڕەوی تاوانبار بكرێت .

پاشان ووتی مێژوو ئەوەمان بۆ دەردەخات كە خاچ پەرستەكان چیان كرد بە مسوڵمانانی بۆسنەو هەرسك، بەڵام كەس ئاینی مەسیحی تاوانبار نەكرد، هەروەها بوزیەكان و هندۆسەكان، بینیمان چیان كرد بە مسوڵمانانی بۆرما لە كوشتن و سەربڕین .

بەڵام هیچ كەس بە توندڕەو ناوی نەبردن، بەڵام ئایا بۆچی شەوو ڕۆژ ئیسلام تاوانبار دەكرێت بە توندڕەوی و تیرۆر، لەكاتێكدا كە قورئانەكەی بە (بسم الله الرحمن الرحیم) دەست پێ دەكات كە ئەمەش بەڵگەی سۆزو بەزەییە بۆ هەموو جیهانیان .

دكتۆر قەرەداغی داوای لە ئامادەبووان كرد لە هەموو ئاینەكان كە لەسەر كۆمەڵێك پێشنیار ڕێك بكەون، ئەویش لە پێناو بڵاوكردنەوەی ئاشتی و ڕێكەوتن و پێكەوە ژیان لە نێوان هەموو گەلانی جیهاندا سەرەڕای، جیاوازی ئاینەكانیان، لەوانەش :

یەكەم / ئێمە خاوەنی ئاینەكان لەسەر ئاستی جیهان پێویستە لە گوتارەكاندا واز لە تاوانباركردنی یەكتر بهێنین و تاوانی توندڕەویش نەخەینە پاڵ هیچ ئاینێك .

دووەم / دەستبكەین بە چاكسازی بۆ چوونی فیكری توندڕەوەكان .

سێیەم / سەركردە ئاینیەكان هەموو ئاینە ئاسمانیەكانی لەسەر كۆمەڵە ڕێسایەك ڕێك بكەوین، بۆ ئەوەی زیاتر هاوكاری تێگەیشتنمان لەگەڵ یەكتر هەبێت .

چوارەم / هەموومان هەوڵبدەین كە توندڕەوی ئاینی و زوڵم و ستەمكاری نەهێڵێن .

پێنجەم / ئەو ڕاستیە چەسپاوە كە ناكرێت فیكری توندڕەوی بەتەنها بەهێز چارەسەر بكرێت، ناكرێت فیكری ئیسلامی بە فیكری عەلمانی چارەسەر بكەین، بەڵكو چارەسەر لە فیكری ئیسلامی میانڕەو دایە .

پاشان دكتۆر قەرەداغی داوای كرد كە لەسەر ئاستی جیهانی كۆنگرەیەك ساز بكرێت بۆ ڕێگەگرتن لە سوكایەتی بەهەر ئاستێك، بەپێویستی زانی هەر لەم كۆنگرەیەدا ئەوەش یەكلابكرێتەوە .

پاشان ووتی ئیسلام هاتووە بۆ ئەوەی پارێزگاری لەهەموو ناوەندەكانی خوا پەرستی بكات لە (كەنیسەو مەعبدو مزگەوت) و تەنانەت جیهاد دژی هەركەسێك بكات ڕێگە لە ئازادی ئاینی بگرێت، لە ئێستادا تێگەیشتنی هەڵە لە ئیسلام هەیە، دەبێت ئەو هەڵانە ڕاست بكرێنەوەو تێگەیشتنی باش دروست بكرێن، لە كۆتایدا ووتی پێویستە ئێمە نەچینە ناو خاڵە ناكۆكەكان و زۆرتر جەخت لەسەر خاڵە هاوبەشەكان بكەینەوە ئەویش بۆ ئەوەی بواری یەكتر ناسین و پێكەوە ژیان فەراهەم بكەین بۆ هەموو گەلان و ئاینەكان .

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

پاسخ دادن معادله امنیتی الزامی است . *

قالب وردپرس