زنجیره‌ی چه‌مکه ئیسلامیه‌کان – بر
زنجیره‌ی چه‌مکه ئیسلامیه‌کان_ برایه‌تی و ئه‌ده‌بی مامه‌ڵه‌کردن
ماموستا سید احمد
به درێژایى مێژوو کۆمه‌ڵێ په‌یوه‌ندى هه‌بووه بۆ به‌یه‌ک به‌ستانه‌وه‌ى مرۆڤه‌کان, که مرۆڤه‌کان خۆیان به باشیان زانیوه‌و, له‌سه‌ریان کۆ بوونه‌ته‌وه, به‌ڵام هه‌ندێکیان شیاو بوون به پله‌و پایه‌و که‌رامه‌تى مرۆڤه‌کان, هه‌ندێکیشیان بۆ مرۆڤ ناسازو نه‌شیاو بوون, وه‌ک کۆبوونه‌وه له‌سه‌ر بنه‌ماى هۆزو خێڵ.. په‌یوه‌ندى له‌سه‌ر بنه‌ماى به‌رژه‌وه‌ندى کۆمه‌ڵایه‌تى, یا به‌رژه‌وه‌ندى ئابوورى, له‌سه‌ر بنه‌ماى پیشه‌کان له‌گه‌ڵ یه‌ک کۆ بوونه‌ته‌وه, وه‌کو په‌یوه‌ندى کرێکار له‌گه‌ڵ کرێکار, جوتیار له‌گه‌ڵ جوتیار, به‌رگدرو له‌گه‌ڵ به‌رگدرو و, به‌م شێوه‌یه.
یا په‌یوه‌ندییه‌که په‌یوه‌ندیه‌کى لایه‌نى به زاراوه‌ى ئه‌مرِۆ(حزبى), واته په‌یوه‌ندیه‌که په‌یوه‌ندییه‌کى دونیایىو ماددى رِووت بووه.. به‌ڵام له پاڵ ئه‌و هه‌موو په‌یوه‌ندییانه, په‌یوه‌ندیه‌کیش هه‌بووه, په‌یوه‌ندى برایه‌تی پێ گوتراوه, که له هه‌موو په‌یوه‌ندییه‌کان چاکترو شیاوتره بۆ مرۆڤه‌کان, که له‌گه‌ڵ پله‌و پایه‌یان بشێت و, مرۆڤایه‌تى مرۆڤه‌کان دابین بکات, په‌یوه‌ندى برایه‌تییه.. هه‌ر ئه‌وه‌شه گونجاوو سازگاره له‌گه‌ڵ فیگره‌ت و ده‌رونى مرۆڤه‌کاندا, به‌ڵام په‌یوه‌ندییه‌کانىتر که له‌سه‌ر بنه‌ماى جۆراوجۆر داده‌مه‌زرێن, هه‌ریه‌که‌و له سه‌رێکه‌وه, یا له چه‌ند سه‌رێکه‌وه که‌م و کورِى هه‌یه, یان نه‌یارىو نه‌شیاوییه‌کیان هه‌یه.
*پێناسه‌ى برایه‌تى:
برایه‌تى: واتا ئاشنابوونى دووکه‌س له‌گه‌ڵ یه‌کتر, که ئاشنابوونێکى ویژدانى و ده‌رونى, پرِ له سۆزى بێگه‌ردو پاک و پاڵفته‌کراو, به‌یه‌کیان ببه‌ستێته‌وه‌و, به‌شێوه‌یه‌ک بۆ یه‌کتر ببن, یه‌کتریان خۆش بوێ, حه‌ز به یه‌کترى بکه‌ن, ئازارو زیانى یه‌کتریان نه‌ک به‌ره‌ورِوو, به‌ڵکو له پاشه‌مله‌ش نه‌وێ, به‌وه‌ى که‌وا غه‌یبه‌تى بکات, یا که‌سێکىتر له‌لاى به خراپه ناوى براکه‌ى بێنێ, ئه‌ویش به‌ڵێی بۆ بکات, یان گوێى بۆ رِابگرێ و, به‌رگرى له‌و برایه‌تیه نه‌کات, که ئه‌وه‌تا ئه‌وکه‌سه‌ى لای تیفى زوبانى لێ ده‌سوێ و, به‌وه نارِه‌واو ناشیرینى ده‌کات, نه‌خێر ئه‌گه‌ر شتى واى دیت, ده‌بێ ئه‌و به‌رگرى له براکه‌ى بکات, وه‌کو چۆن به‌رگرى له خۆىو که‌رامه‌ت و تایبه‌تمه‌ندىیه‌کانى خۆى ده‌کات.
له فه‌رموده‌یه‌کى پێغه‌مبه‌ر (درودو سڵاوى خواى له‌سه‌ربێت) هاتووه ده‌فه‌رموێت: هه‌رکه‌سێ له به‌رده‌مى براکه‌یدا گۆشتى براکه‌ى خورا (واتا غه‌یبه‌تى کرا) ئه‌ویش به‌رپه‌چى ئه‌وکه‌سه‌ى دایه‌وه, که غه‌یبه‌تى براکه‌ى ده‌کات و, به خراپه ناوى دێنێ, ئه‌وا خواى گه‌وره [ حرم الله لحمه یوم القیامه على النار ] واته خواى گه‌وره گۆشته‌که‌ى ئه‌وکه‌سه له ئاگرى دۆزه‌خ حه‌رام ده‌کات, واته ناهێڵێ به ئاگرى دۆزه‌خ بسووتێت, هه‌رکه‌سێکیش که له‌لایدا به خراپه ناوى براکه‌ى ده‌به‌ن و, ئه‌و به‌رگرى لێ ناکات, یا بوختانێکى بۆ ده‌کرێت, یا چاکه‌یه‌کى ئه‌شاردرێته‌وه, یا عه‌یبێکى بۆ ده‌تاشرێت, ئه‌وکه‌سه‌ش هیچ به‌رگرییه‌کى له براکه‌ى ناکات و, که‌سه بوختانچی و غه‌یبه‌ت که‌ره‌که ده‌مکوت ناکاته‌وه, ئه‌وا ئه‌وکه‌سه حه‌قه له‌سه‌ر خوا بیخاته نێو ئاگرى دۆزه‌خ به‌سه‌ر رِووه‌وه.
له‌به‌ر زۆری بابه‌ته ئێمه به فایلی پی دی ئێف بۆتان دا ئه‌نێین تاکو بیخویێننه‌وه
سه رچاوه : مه لپه ری ماموستا سید احمد
